હતું,..પણ હવે નથી

અનેક વખત લખ્યું કાગળ પર;

અને પાછું ભુસી નાખ્યું,

લાગ્યું કે હું આઝાદ છું પણ;

ના તે મારું કોરું સપનું હતું..

કોઈએ ધર્મ પર કોઈએ જાત પર;

મને પાછું બોલી નાખ્યું,

લાગ્યું કે હું આઝાદ છું પણ;

ના તે મારું કોરું સત્ય હતું..

કોઈએ લાગ પર કોઈએ નામ પર;

મને પાછું ઠસાવી નાખ્યું,

લાગ્યું કે હું આઝાદ છું પણ;

ના તે મારું કોરું તરકટ હતું..

કોઈએ રોજ પર કોઈએ ભોજ પર;

મને પાછું પચાવી નાખ્યું,

લાગ્યું કે હું આઝાદ છું પણ;

ના તે મારું કોરું જીવન હતું..

કોઈએ સેવા પર કોઈએ લાભ પર;

મને પાછું જતાવી નાખ્યું,

લાગ્યું કે હું આઝાદ છું પણ;

ના તે મારું કોરું નસીબ હતું..

- રાકેશ પંચાલ 'વિસામો'